Sa isang bayan ng Parallcia, kung saan matatagpuan ang mga naglalakihang gusali at establisyimento, mausok man ay hindi maipagkakaila ang kagandahan ng lugar na ito. Dahil na rin sa mga ilaw na nagsisilbing liwanag ng mga gusali na nakapalibot dito, ay mas nakikita ang saya at kagandahan ng bayan. Hindi lang iyon ang ipinupunta ng mga tao rito, lalo na ang mga kabataan. May isang kilalang palaruan na tinatawag nilang Midnight. laging pinapasyalan ng mga kabataan, hindi lang para sa kanilang pagkuha ng litrato o iba pang mga bagay na maaaring gawin dito. Hindi kasi maitatago ang kaibahan nito, kumpara sa ibang mga palaruan. Hindi maitago ang galak at saya sa mga mukha ng mga kabataang nanggaling na rito, na tila ba, ito na ang pinakamagandang lugar na pinuntahan nila sa tanang-buhay nila. Ngunit mayroong sabi-sabi na bilang lang sa mga daliri ang mga taong nakakaalam ng tungkol rito. Sinasabing may sikretong itinatago ang palaruan na ito, na hindi dapat nalalaman ng kung sino mang papasok at lalabas dito. Ano ang nagagawa at naibibigay ng kuryosidad sa mga tao? Dismaya? Pagsisisi? Galak? kasiyahan? Ikaw? anong gagawin mo kung ikaw na mismo ang nakaalam sa sikretong iyon? magpapadala ka ba? Aalamin mo ba? Maraming katanungan ang kinakailangan ng kasagutan. Sa huli, iisa ang kailangan ng bawat isa sa atin. Ang tiwala at paninindigan sa bawat desisyon sa buhay.