Balantagi | The Rise of the Dark Side

Kaakibat ng liwanag ang dilim. Parehong kailangan para balansehin ang langit, ang kalupaan, at ang mga agi.

Pitong taong gulang lamang si Megara nang masaksihan ang gulo na hatid sa mga puting agi ng ama niya, ang Hari ng Everum. Ang maling hakbang na nagpasimula sa labindalawang taong digmaan.

Ginugol niya ang oras sa pag-eensayo upang lumakas, tumalino, at maging respetado upang matuldukan ang digmaan nang hindi gumagamit ng dahas.

Alam niyang isang karahasan ang ginawa ng ama ngunit hindi niya rin maalis sa isip na dahil ito sa misteryosong pagkawala ng ina at kakambal niya sa mismong araw na iyon; gayon pa man, nakita ng dalawang mga mata niya ang sinapit ng ilang inosenteng agi sa kamay ng ama niya.

Nang makatungtong sa wastong gulang ay tila ba unti-unting bumagsak sa kaniya ang pagkatanto na sa loob ng mga taon na inilaan niya sa pagpapalakas, hindi niya nasaksihan lahat ng maaaring nangyari sa giyera.

Desididong wakasan ang digmaan, nararapat lamang na alamin niya muna kung ano ang naging epekto nito sa magkaibang panig.

At para mangyari iyon?

Lalakad siya sa daan nang itinuring na kalaban.