BUWI: Sanlibong Taong Paghimbing

Sa kagustuhang tumakas sa realidad ng buhay, si Tala, isang illustrator sa isang publishing company, ay nag-resign sa kaniyang trabaho. Hinihiling niyang pahinga at katahimikan ang mahanap sa bakasyon dahil ilang buwan na siyang apektado mula sa pagkamatay ng kaniyang kaibigan. Sa hindi inaasahang pagkakataon, nasalanta ng buhawi ang lugar na kaniyang tinuluyan, isang masamang pangitain na konektado sa kaniyang dinadala. Paano kaya haharapin ni Tala ang katotohanang... siya ang tunay na salarin sa pagkawala ng kaibigan?