Si Joanne Mae Lee at si Joanna Mae Lee ay kambal. Wala kang makikitang pagkakaiba sa kanila, identical twins kung tawagin. Pinanganak silang mayaman, ang kanilang pamilya'y isa sa mga tinitingalang pamilya sa bansa. Makapangyarihan ika nga. Halos perpekto ang kanilang pamilya na siyang pinapangarap ng lahat. Halos perpekto lamang ang kanilang pamilya dahil sa isa sa kambal. Dahil kay Joanna. Si Joanna ay isang tanyag na gangster. Kinakatakutan siya sa mundong matatawag niyang paraiso. Ngunit sa isang iglap ay nawala siyang parang bula. Namatay siya sa isang hindi malinaw na dahilan. Samantalang si Joanne ay kabaliktaran naman ng kanyang kambal. Siya ang mabait at tanging inaasahan ng mag-asawa para magpatuloy ng kanilang kompanya. Ngunit ang hindi alam ng lahat ay may sariling pangarap ang dalaga. Gusto niyang maging malaya. Gusto niyang yumaman without the help of their parents' money. Pero dahil sa siya ang kinikilalang mabait at palasunod sa kanilang dalawang magkambal ay hindi niya magawa ang mga pangarap niyang ito.