مابين ماضيك وحاضري

كاعد كبالي عيونه عليه هادء ميسوي شي عدا انو هوا ياخذ انفاسه من جكارته وينطيها نضراته احس انها تتغلغل بأعماق روحي ماعرف بسبب جمال عيونه وحدتها لو هذا شي يخصني ؟؟، منتضر مني تفسير، ع كلشي الماضي والحاضر ويمكن حته المستقبلل ألي اريد اعيشه، رغم صراحتي بس ..

جمان : اعتقد حجيتلك اني م اعرف اختك عرفتها فترا ك صديقه وبس

شفته ابتسم بس مو ابتسامه عاديه لاء ابتسامه تسلب لانفاس مو حبآ وانما خوفآ ورجع يناضر عليه لحد م كال

أيهم : أيي يست جمان مو أها أيي جمان اليتيمه الي اخوها متبري منها وعدها ثنين اطفال مندون زواج، ألي جانت هيه اخر شخص يشوف ريان وهيه حاليا المتهم الوحيد بقتلها..

وكف بيه الوقت لحضات واني افكر ماعرف هذا شديحجي ؟؟ شبي شنوو أحس اريد ابجي ممااكددرر بعد اتحككم ششنننوو اني قتلتها لكك لك هاية صديقتي اريد اصرخ اريد اكول ريان صديقة عمري وروحي مموو اني والله بس ماكدر احس شي يمنعني مماكدر بعد اتتنفسس لحضات ووكفت وندفع مقعد الطاوله كمشت جنطتي وبديت اترنح بمشيتي والدنيه حولي تدور شفته هوا ابتسم وكام اتقرب من يم اذني همس

" ليش قتلتيها ..

جان اخر شي اسمعه قبل ما أفقد الوعي و أروح بغير عالم عالم مابيه أيهم عالم يشبه سكون ووحدة حياتي قبل لا أعرف بنيه اسمها ريان ...