Into The World Of Littaua

Malamig ang paligid at panaka naka ang paglakas ng hangin na nagpapatindig sa aking balahibo. Pinaghalong takot, lamig at pagtataka ang nararamdaman ko ngayon at maging ang balahibo ko sa batok ay nananayo na rin.

Sa kalagitnaan ng aking pagkkwestyon sa buong nangyayari, biglang may lumitaw na ilaw mula sa itaas at may nakita akong pigura hindi kalayuan sa aking kinatatayuan. Sa ilalim mismo ng ilaw na nagmumula sa itaas.

Isang matangkad na tao, mahabang buhok at balingkinitan ang pangangatawan. Ang aking tantya ay babae ito dahil sa hugis at korte ng katawan. Itim na itim at matingkad ang buhok nito. Maputi ang balat at nakasuot naman ito ng isang uri ng damit na ngayon ko lamang nakita. Mahaba ang suot niya na umaabot sa sahig at mayroon ding katana na nakasabit sa kaliwang bewang niya.

Nakatalikod ito sa akin at hindi nagtagal ay nagsimula itong maglakad papalayo. Hindi ko alam kung bakit pati ang aking mga paa ay sumusunod sa yapak nito hanggang ilang minuto ay bigla itong naging usok at nawala.

Maya maya'y may bumulong sa aking kanang tainga. Paulit ulit na animo'y may gustong ipahiwatig ngunit hindi naman maintindihan ang mga sinasabi. Lumalayo ang tinig at maya maya'y lumalapit. Parang nanunukso ito na parang nagbibigay babala rin. Hindi ko maunawaan ang tono, salita at ang gustong ipahiwatig ng tinig na ito.

May ilang minuto itong nagtagal at huminto nalang, ngunit rinig na rinig ko pa rin ang bulong nito na para bang kinalembang ang aking ulo at hindi maalis dito ang alingawngaw ng boses nito. Sumasakit ang aking ulo sa paulit ulit na salita, tumitinis at bumababa ang boses hanggang sa tuluyan na itong huminto. Naroon pa rin ang sakit sa aking tainga, kumikirot na animo'y kinagat ng langgam ang loob nito.

'Find her' maliwanag na bulong nito.

☯☬☯☬☯☬☯☬☯☬

COMING SOON!!!!!