Mana

Makalipas ang isang buwan ng pagluluksa ni Mirasol, mula sa masalimuot na pagkamatay ng mga magulang, sumunod na namatay ang kaniyang kapatid na babae. Natagpuan itong basag ang mukha at wala ng saplot sa katawan sa isang bakanteng lote. Labis ang paghihinagpis ng dalaga sa trahedyang sinapit ng kaniyang pamilya. Nalugmok siya sa kadiliman ng depresyon, at halos ikamatay niya ang labis na kalungkutan. Ngunit nang matunton ng mga pulis ang bunso niyang kapatid na lalaki na nagtago sa batas dahil sa salang pagpatay sa kanilang ama, tila nabuhayan ng loob si Mirasol. Ang pananabik niya na muling makita ang mahal niyang kapatid, at ang lihim niyang relasyon, ang nagbigay linaw sa mga totoong naganap sa malagim na pagkamatay ng kaniyang pamilya.