Absolutely Single

Jimaya Marie Taparan, o mas kilalang MDKB, Matandang Dalaga sa Katawan ng Bata. Isang babae na ang lenggwaheng alam lamang nitong bigkasin ay katotohanan at wala ng iba. Kung tao ang katotohanan siguradong si Jimaya Marie Taparan na iyon. Dahil sa sobrang honest at straightforward nito ay walang naging kaibigan si Jimaya- Paano ba naman, halos bukambibig nito ay "katotohanan", kung hindi naman katotohanan ay ang salitang 'cringe' ang isinasabi nito.

Katulad ng katotohanan kung saan kadalasan pinipiling iwasan ng mga tao, ganoon din ang mga tao sa kaniya kaya hirap talaga siyang makahanap ng kaibigan. Ngunit para sa kaniya ay wala lang iyon, at least daw ay maiiwasan niya ang mga cringe na tao.

Hindi siya marunong makisama sa mga tao kaya palagi itong nasasabihan na magiging matandang dalaga ito ngunit mas natutuwa pa ito sa kanilang sinasabi dahil ayaw daw niyang makaranas ng cringe na bagay at maging cringe katulad nila. At dahil doon naisipan niyang tahakin ang landas ng mga single for life, o tinatawag niyang Absolutely Single.

Sabi nila "Honesty is the best policy," pero bakit nagagalit sila kapag sinasabihan ko sila ng katotohanan? - Jimaya Marie Taparan

Tunghayan kung paano ang magiging takbo ng buhay ng ating bida na si Jimaya kasama ang mga taong kagaya niya na "Absolutely Single."