THE SAFEST PLACE

Ang buhay ng tao ay parang tubig, isang ilog ng damdamin at pangarap. May mga maalat na tubig, hindi pinalad, na kahit pilitin nilang lumayas at lumangoy laban sa malalakas na alon, ay patuloy pa ring hihilahin pabalik, dahil iyon lamang ang kaya nilang marating. May mga matabang tubig naman, dumadaloy nang tahimik at tuloy-tuloy, naghahanap ng landas, nag-iikot sa agos ng buhay, gustong malaman kung saan sila nararapat.

Pero alam mo ba kung ano ang pinakamagandang kalagyan na maaaring marating ng tubig? Iyon ay kapag nabigyan ito ng kulay at tamis, kapag napuno ng liwanag at kasiyahan, at natagpuan ang kanyang tunay na kahulugan. Dito nagiging ganap ang agos, at sa bawat patak ay sumasalamin ang hiwaga at ganda ng buhay.