The Messenger's Trilogy Book 3: A Date With An Angel

"Sapat ng patunay na bumalik ka mula sa langit para ipagpatuloy ang buhay kasama ako."
Teaser:
Ako si Gabriel, ang anghel na may taglay na kapangyarihan para magpagaling. Minsan sa buhay ko, naranasan ko ng umibig sa isang kaibigan kong anghel. Pero mas pinili niya ang maging isang ordinaryong tao at makasama ang lalaking mortal na kanyang minahal. Simula noon, sinabi ko sa sarili ko na hindi mangyayari sa akin iyon. Hindi ko tatalikuran ang pagiging immortal at responsibilidad ko bilang isang anghel para lang sa pag-ibig sa isang tao.
Sa pagbaba ko sa lupa para gawin ang isang misyon. Nakilala ko si Danielle, ang dalagang hindi ko inaasahan na magbabago ng aking damdamin. Sa una namin paghaharap ay natakot siya sa akin. Sa kabila niyon, nakuha ng magandang mga mata niya ang akin atensiyon. Sa tuwing nalalagay siya sa panganib, labis ang nararamdaman akong nag-aalala sa kanya. Hanggang sa tuluyan kong makilala ang pagkatao niya, naging kaibigan at sandigan sa lahat ng pagkakataon. Hindi ko napigilan na tumibok ang puso para sa kanya. Dumating ang araw na tuluyan ko na siyang minahal. Bigla kong naisip ang aking mga kaibigan, ngayon naiintindihan ko na ang pakiramdam ng tunay na umiibig. Iyong nakahanda kang talikuran ang lahat ng mayroon ka makasama lang ang minamahal mo.
Ngunit bakit kung kailan nag-uumpisa na tayo ng buhay na masaya at kasama natin ang isa't isa? Kung kailan narito na ako sa piling mo at hindi na aalis pa, saka mo naman ako iniwan. Danielle, mahal ko... naririnig mo ba ako? Narito ka lang ba sa paligid ko? Kung puwede ko lang ibalik ang oras gagawin ko... masundan lang kita diyan sa langit...