عذاب ملاك

قصة جزائرية
ملاك طفلة عاشت حياتها كاملة في الفقر والمزيرية ولعداب من طرف باباها وامها لي كانوا يتعاملو معها بكل قسوة عمرها لا عاشت نهار بلا ما تدي الضرب من عند امها ولا باباها حتى لوكان بلا سبة . وصلت عمر 17 اجبرها باباها باه تزوج من ولد المعلم تاعو الصغير لي من شافها هبل عليها وعاد مهووس بيها . وبعد عام من الزواج لي تعذبت فيه اشكال والوان مع راجلها لي كان مريض نفسي سادي ، كتب ربي باه يموت في حادث سيارة . فرحت خاطر تخلصت منو بعد عام زواج لي كان جحيم بالنسبة ليها ، لكن فرحتها ما كملتش لانو بعد العدة ، طلبها خوه الكبير للزواج لانو من عاداتهم مرت الولد ادا مات راجلها ما تخرجش من دار ولازم يتزوج بيها واحد من نفس العايلة .