Masayang Ala-ala

Unang araw pa lamang sa paaralan
Alam ko na ako ay mahihirapan
Wala nga rin akong lubusang kilala
Dahil di ko kasama aking barkada.

Bago man ako sa institusyong ito
Ako ay hinding-hindi magpapatalo
Ituturing kong ito'y hamon ng buhay
Upang makamit pangarap at tagumpay.

Marami na akong bagong nakilala
Sila ang parati kong mga kasama
Kami man ay may iba't-ibang ugali
Pero kami ay hindi nagtutunggali.

Marami kaming mga pinagsamahan
Hinding-hindi ko iyon malilimutan
Mahirap isiping kami'y mabubuwag
Pagmamahalan pari'y di matitinag.

At patapos na ang aming sekundarya
Kami ay lubusang magpapakasaya
Kahit ito man ang huling ala-ala
Masaya ako, tayo'y nagkakilala.