اللواء شاهين

بدت تظهر الاصوات العالية كلما تقترب من غرفة الجلوس، سمعت صوت والدها وهو ينطق بصوت خائف" مو هسه لواء شاهين بس اصبر بعد"
سمعت صوت عميق يجاوب والدها مخليها ترجف بمكانها
‏"سنتين انتظرت ما انتظر اكثر من هالمدة، واليوم اخذها يعني اخذها"
"باجي شديصير جوه" سألت تاليا ميسون برجفة وهي تضغط على ايدها
"مادري بنتي خلينا ندخل ونشوف"
"لا ماريد مادخل عفيه رجعيني لغرفتي "
‏سمعت اصوات عالية وبعدها صوت خطوات تقترب من الباب
‏انفتح الباب وحست بهالة الشخص اللي واگف گدامها ارتجفت بخوف وهي تتراجع وره وتترك ايد ميسون وهي تسمع بحة صوته المخيف بالنسبة الها
‏"تاليا تعاي يا نور الجنة تعاي بين احضاني"
‏حست بالأيد اللي انحطت على ايدها والثانية على خصرها وسحبتها لحضنه