Da Na Gaba... (Ake Gane Zurfin Ruwa)

Labarin wata soyayya ne mai rikitarwa da zafin gaske a tsakanin wasu masoya biyu da suka fito daga wasu ƙabilu mabambanta da ke gaba da juna, har yake haifar da mummunan rikici da ya yi sanadiyyar salwantar rayuka da dukiyoyi masu yawa.

Sai dai ba zato babu tsammani, gaba da ƙyamar junan da ake fuskanta tsakanin waɗannan ƙabilu ta rikiɗe ta zama zumunci da girmama juna, ta sanadiyyar wata soyayya da ta ƙullu a tsakanin wasu yaransu biyu Bintu da Taddy, waɗanda suka sha alwashin daidaita tsakanin iyayen su da ƙabilunsu, don a samu fahimtar juna da zaman lafiya. Amma kuwa anya waɗannan masoya za su iya cimma muradinsu? Wanne ƙalubale za su iya fuskanta, musamman lura da yadda ake samun wasu Musulmi da Kirista ke nunawa juna tsananin gaba da ƙiyayya, a wannan yanki na ƙasar nan?