The Billionaire's Fake Wife

SAWANG-SAWA na si Sofia sa mga panlalait na natatanggap niya mula sa pamilya ng kanyang asawa kaya naman napagdesisyon niyang iwanan ang mga ito. Habang nasa kalsada, nasaksihan niya ang isang aksidente. Sumabog ang gulong ng sasakyan kaya nabaligtad ito.

Sa paglapit niya sa kotse, isang babaeng duguan ang kanyang nakita.Sa dami ng dugong nawala dito, mukhang hindi na ito magtatagal.
Naghanap siya ng ID upang matawagan ang pamilya nito. At nang makakita, nawindang siya nang makita ang pagkakapareho ng itsura nila. Maaari silang pumasa bilang kambal!

Biglang nagkaroon ng pagsabog at nawalan siya ng malay.

Sa paggising ni Sofia, siya na si Katharina Villafuerte Lee. Hindi lang siya basta mayaman. Asawa na siya ng isang bilyonaryo. Sa isang iglap, nakamit niya ang mga mamahaling bagay na sa panaginip lang niya kayang angkinin.
Pero ang akala niya na perpektong buhay ay may kaakibat palang panganib.