Veda: Engkanto Series 3

Pagkatapos ng mahabang laban sa pagitan ng Pravo at Luvac, nawala ang lahat ng kapangyarihan ni Veda. Hindi sya pwedeng mabuhay ng wala ito dahil sya ang heneral ng kanilang hukbo, sya ang inaasahan ng kanilang kaharian para mamuno sa mga laban.

Sa gitna ng paghahanap ng solusyon, narinig nya ang tsismis na may isang matandang engkanto ang naninirahan sa mundo ng mga mortal na tao na maaaring makatulong sa kanya. At dahil desperada na sya, umalis sya ng Pravo papunta sa mundo ng mga tao.

Ayon sa mga usap-usapan, isang lalaking may pilat na hugis ibon ang magdadala sa kanya sa hinahanap nya. Pero wala syang pakialam. Hindi nya kailangan ng tulong. Sya ang maghahanap sa engkantong nagtatago sa mundo ng mga tao para bumalik ang kapangyarihan nya.

Pero napakalawak ng mundo ng mga tao at hindi nya alam kung paano magsisimula. Masyadong maraming distractions at isa na doon ang nakilala nyang si Geo, isang MMA-fighter-wanna-be na kargador sa palengke.