عشق السلاطين {باللهجة العراقية}

همسلها قريب شحمة اذنها
_ احبج وصرت مهووس بكل تفصيلة بيج وتخصج

كلماته دخلها بموجة اجتاحت جسمها من النشوة بدايتها من قشعريرة كزبر بيه جسمها استهدفت دماغها ووصل لاخمص رجليها اتشنجت وارتخت على همساته وراها رجع يستقر عد كلبها وبدات طبوله تعلن ضجيجها حتى يوصل بيها العاشق والمعشوق لشعور حتمي على اي لحظة راح يتوقف بيها دكاته لفرط النشوة والذوبان

كمل طقوس اعترافه الها واصابعها متغلغلة بين اصابعه
{ أحبج ، ومن حبيتج ماقصد ذاك الحب الي يتباهى بيه الكل بكلمات غزل ومواعيد غرامية او بوعود فاشلة تبدي بعهود وتنتهي بخيبة،،

احبج لدرجة شعوري يمج واصل لسابع سما الله خالقها، حبي الج بلا حدود مثل البحر والسما،

خلي بالج من حبيتج بالبداية تعمدت اترك بينا مسافة امان لعيونج حتى اخليج تآمنين بية بدون شكوك

والصار اني آمنت بيج همين حتى لو جان مصيري الخيبة منج،،

رفعت راسها تباوعه معترضة حجايته كاللها مركز بعينها
وعد مني اقدملج حب بلا حدود،
وافتح كدامج كل طريق مسدود

اني احبج وصرتي مني وبيه وعهد مني راح اخلي لوجودك قيمة بين الكل واخلي الكل بلا استثناء يشوفون مكانتج وقدرج بعيوني،، ماراح ابخل عليج بمشاعري بمقدار الذرة،،

وراح تشوفين بعينج من اعلن للكل حبي الج ويتاكدون بمرور الوقت اكتمالي اكتمل بيج واكتمالج من