Canaan Mc Laury (complete)

Canaan Mc Laury was a young lad when he asked the hand of his childhood sweetheart for marriage. Pero dahil sa may pangarap pa ito na makapag-aral sa isang kilalang unibersidad sa Maynila at makapagtapos nang kursong pangarap nito ay ipinagpaliban niya ang planong kasal para suportahan ang kasintahan at nangako siyang maghintay sa Villacenco para naman tumulong sa pamamahala ng kanilang Mc Laury Ranch.
Ngunit ang kaniyang matiyagang paghihintay sa pagbabalik ng kasintahan ay nauwi sa wala nang malaman niyang may iba nang lalaking iniiibig ito sa Maynila. Kaya naman ang kaniyang kabiguan ay ang kaniyang naging dahilan kung bakit napasama siya sa "alamat ng Villacenco."

Ngunit hindi inaasahan ni Canaan ang naramdaman nito nang muli niyang makita ang nakababatang kapatid ng kasintahan. Ang nagbabalik sa Villacenco na si Harlow Lauretta.
Ngunit nakahanda na bang muli ang kaniyang puso na muling magtiwala at magmahal? Ngunit paano kung muling magbalik ang babaeng pinangakuan niya ng kasal, sino ang kaniyang pipiliin?
Ang babaeng unang nagpatibok ng kaniyang puso? O ang kapatid na nagpatibok ng kaniyang puso sa pangalawang pagkakataon?

Harlow Lauretta went back home to their small patch of land in Villacenco. Tangan niya sa kaniyang pagbabalik ang kaniyang diploma bilang fresh graduate ng kinuhang kurso na journalism. Ngunit nagbalik si Harlow ng Villacenco hindi para ipursige ang kaniyang natapos na kurso. Ipinagpaliban na muna niya ang trabahong pinapangarap upang alagaan ang kaniyang amang unti-unti nang nanghihina ang katawan dahil sa sakit.

At alam naman ni Harlow na hindi magiging mabigat sa kaniyang kalooban ang kaniyang pagbabalik sa lugar na kaniyang kinagisnan. Lalo pa at sa matagal na panahon ay muli niyang masisilayan ang nag-iisang lalaking nagmamay-ari ng kaniyang puso. Si Canaan Mc Laury, ang nobyo ng kaniyang nakatatandang kapatid.

completed February 1, 2023