24 - आठवणीतील तास

वय 10 ते 19, हे असे वय असते ज्यात आयुष्य खूप वळण घेत असते. कारण ते उसळत रक्त, कोवळं वय आणि सतत काहीतरी करून दाखवायची जिद्द असते. या वयाची तर तशी खूप लक्षण असतात. माझं हे पुस्तक वाचताना तुम्हाला कळेलच. सर्व काही सुरळीत चालू असताना एका निर्णयामुळे एका लहान वयातच काय काय बघायला मिळेल हेच तुमच्यासमोर मांडणे माझ्यासमोरचा आव्हान आहे. पुस्तकाच्या शेवटी ते मी पार पाडले कि नाही हे समजेलच. जरी ते पार पाडले गेले नसले तरीही तुमचे फक्त मनोरंजनच व्हावे ही माझी अपेक्षा आहे.
तशी ही कहाणी 2012 वर्षाची आहे. जेव्हा सर्वच जण मोबाइल नाही वापरायचे. वापरले तरी त्यातील बॅलेन्स हे बँकेत ठेवलेल्या मौल्यवान पैसांसारखे असायचे. त्यामुळे प्रत्येक कॉल किंवा मेसेज साठी विचार करून पैसे मोजायला लागायचे.