Beautiful Like Yngrid (Published Under 8Letters)

1973 noong magtagpo ang landas nina Yngrid at Bernadette nang pumasok ang dalawa sa iisang pampublikong High School. Si Yngrid ay mayaman at anak ng isang high ranking official, na binansagang "pretty privileged", "talk of the town", dahil sa hindi maikakailang special treatment sa kanya ng mga taong nakapaligid sa kanya dahil na rin sa reputasyon ng kanyang mga magulang at sa likas niyang ganda. Habang si Bernadette naman ay galing sa mahirap na pamilya at kilala bilang isang matapang na babae at walang modo at isinumpa ng mga tao na walang mararating sa buhay dahil daig pa niya ang mga lalaki sa pagiging basagulero.

Sa pagtatagpo ng kanilang landas, napagtanto ni Bernadette na naiinggit din pala siya kay Yngrid dahil sa katangian nitong taglay kaya siya na mismo ang gumawa ng paraan upang mapalapit sa dalaga. Sa makatuwid, balak lang talaga niya na gayahin ito. Hindi naman naging hadlang ang magkaibang antas ng kanilang pamumuhay at pagkakaiba ng ugali para magkasundo at kalauna'y maging matalik na magkaibigan kahit sa simula ay puno ng bangayan ang kanilang pagsasama. Hindi nagtagal, kapwa nila minahal ang isa't isa ngunit pinanatili nilang lihim ang mga damdamin dahil sa mapanghusgang tao sa paligid.