Ang Binibini ng Section A

Paano kung isang araw ay nagising ka ng nasa ibang henerasyon ka na?

Habang ang mga mata ni Psyche ay unti-unting bumangon mula sa dilim ng kanyang mga alaala, naramdaman niyang siya ay naiwan sa isang lugar na hindi pwedeng matukoy-isang lugar na malayo sa kanyang kilalang mundo. Ang dating mundo na puno ng mga kasaysayan ng kabayanihan at sakripisyo, ng mga maginoo at bayaning nag-aalay ng buhay para sa kalayaan ng kanilang bayan.

Ang kanyang mga mata ay unti-unting dumilat, at sa unang sulyap, ang paligid na kanyang nasilayan ay tila isang kababalaghan sa kanyang mga mata. Isang lugar ng mga kalsadang hindi niya nakikita noon, mga makina at sasakyan na mabilis dumaan sa harapan niya, at mga tao na may kasuotan na tila galing sa isang ibang panahon-mga katawan na nakapaloob sa mga pantalon at damit na hindi pa umiiral sa kanyang mga mata.

Hindi pa rin matanggap ni Psyche ang kanyang kalagayan. Isang binibini mula sa taon ng 1700, sa panahon ng kolonyalismo, na biglang nahanap ang sarili sa isang mundong puno ng mga teknolohiya at banyagang kaalaman. Mula sa panahon na ang kababaihan ay hindi nakakapag-aral ay pumasok si Psyche sa isang prestihiyosong paaralan at naging bahagi ng Section A. Ang seksiyon kung saan maraming nagsasalita ng Ingles at nagmula sa mga mayayamang angkan. Kaya bang makipagsabayan ni Psyche sa makabagong henerasyong ito? O tuluyan na lamang siyang maghanap ng paraan upang makabalik sa kanyang sariling henerasyon?