المحنه (متوقفه حاليا)

رجعت للبيت بعد العركه الصارت وعصابي فايره اذا صار كدامي حايط افلشه وما يرتاح كلبي

دخلت جاي انزع بالحذا بالباب

.. عيني ام ثائر هاي معجانه العصر اجي اخذ الخبز خوش

.. ايي خيه نشالله

ثائر.. طلعت المره وامي وراها وعلامات التسئل بوجي دخلت واجت امي تعصر بايدها

.. ها يمه اليوم جاي من وكت

.. عوفج مني شنو سالفه الخبز هاي

خلود وهيه داخله.. يمه يمه اليوم بعت كل المسويته جمدت بمكاني من شافت ثائر

.. اكلجن شكو شنو بعتي شنو خبز تحجون شصااااير لا اكلب الدنيه هنااااا لا تخبلوني شسون بضهري

.. يمه شسالفه شنسوي يا بعد امك بس على كيفك كمزت اخوتك

.. رحمه لموتاج لا تكفرنييي شجاي تسون

خلود.. اني اكلك خويه بس كبلها خلي بالك الشغل لا عيب ولا حرام

.. ننعل ابو العيب لابو الحرام احجي

.. اني احيك ليف وابيعها بالسوك وامي تخبز للعالم

.. واني ڪ***هااا اني مو اشتغل حمزه همين انتن تشتغلن شنوووو ميتين منهوبين ما تكللي شخلاجن تصخمن انتتتتن تشتغلن لييييش ما عدكم زلم نعال واحدنا شكبره نسوانه تشتغل ما عدنا غيره طليان بعد كاعدلجن هنا وخل اشوف وحده بيجن تسوي شغله اذا ما هديت هل بيت فوك روسكم

خلود.. ضل يرعد وخبط ما خلا شي كدامه ما فلشه اول مره اشوف ثائر هيج هرج الدنيه وطلع من دخلت وشفته لكت اليوم قايمه القيامه شجابه

.. يمه بالله عليج هاذ شوكت