ဗီလိန်သခင်လေးအဖြစ် ပြန်ဝင်စားခြင်း

⚠️ Notice : This is not BL⚠️

ဗီလိန်ဆိုတဲ့ စကားလုံးကို ကြားလိုက်တာနဲ့ ဘယ်လိုတွေးလိုက်မိလဲ။ ယုတ်မာ၊ ရက်စက်ပြီး၊ ဉာဏ်များတာလား။ မှန်တယ်၊ ဒါပေမဲ့ ဒီဝတ္ထုရဲ့ ဇာတ်လိုက်က ဗီလိန်အဖြစ် ပြန်လည်ဝင်စားလာတာ ဆိုရင်ရော။ သူက အဆုံးမသတ်နိုင်တဲ့ ဇာတ်ကွက် အကာအကွယ်တွေရှိတဲ့ ဇာတ်လိုက်ကို သတ်နိုင်ပါ့မလား။

ကျိုးယွမ်သည် အရင်ဘဝက ဖတ်ခဲ့သော ကျင့်ကြံခြင်းဝတ္ထုထဲသို့ ပြန်လည်ဝင်စားခဲ့သည့် အချက်ကို လက်ခံလိုက်ရသည်။ သူ့နောက်ခံက တစ်မူထူးခြားကြောင်း သတိပြုလိုက်မိသည်။ အဖေက စီအီးအိုတစ်ယောက် ဖြစ်သလို မြို့တော်ဝန်လည်း ဖြစ်သည်။ မိခင်က နာမည်ကြီးကုမ္ပဏီ၏ စီအီးအို ဖြစ်ပြီး အဘိုးဖြစ်သူက နိုင်ငံ့သူရဲကောင်း ဖြစ်၏။ ကျိုးယွမ် စိတ်လှုပ်ရှားသွားသော်လည်း သူ့နေရာက ဗီလိန်ဖြစ်သည်ကို သိလိုက်ရသောအခါ အရာအားလုံး ပြောင်းလဲသွားသည်။