Contigo en la Distancia

Nakatakdang ikasal si Señor Fernando Enrique sa panganay ng pamilyang nagmamay-ari ng bantog na El Clara Mestisa, si Isabella Natividad. Kilala ang pamilya ng dalaga bilang isa sa pinakamakapangyarihan sa bayan ng San Isidro, at balak silang ipakasal ng kanilang pamilya upang mas palaguin ang kanilang mga yaman at palakasin ang kanilang mga kapangyarihan sa nasabing bayan.

Mahinhin, marikit, at malumanay magsalita si Isabella kung kaya't hindi nagreklamo ang abogado sa takdang pagpapakasal sa kanila. Noong una.

Dahil sa hindi malamang dahilan, napapansin niya na mas bumibilis ang tibok ng kanyang puso kapag nakikita niya ang nakababatang kapatid ng kanyang mapapangasawa na sa Sabrina, ang kilalang itim na tupa ng pamilya Natividad.