شريعة الطغيان

بيت مهجور ..
ليل حالِك بالسواد و صوت المطر برا اشتد
گمت للشباك فتحته ،
المطر عالي غمضت عيوني بخوف اثناء ما چان البرق محتل السما
سديته بأيد ترجف مشيت بخطوات هادئة للباب واني اعرف ان ماكو احد
عيني صارت ؏ الحبال الچانت مربوطة بيها ايدي

ضوة الغرفة خفيف ، الخنگة الي حسيتها بالمكان ،
هدوء ينذرني بالعاصفة الجاية
و انامل مرتعشة بكل ما تملك من قوة
ذاكرة مُتعبة و تفاصيل مستحيل انساها
برودة المكان ما حسيت بيها گدما رجفت اعصابي

ما اعرف شگد مر وقت من نزيت ؏ شعور المي الي بلل وجهي
وجوههم ، اشكالهم ، الآلات الحادة الشايليها بيدهم و صوت ضحكاتهم بنذالة متشفين ببچيي و توسلاتي
احس بلاعيمي تشخطن من الصراخ واني اشوفهم يقربون اداة حادة تفتر بسرعة صارت قريبة من اصابع ايدي

اتوسل بيهم وابچي متهسترة تشاهدت ؏ روحي
اهز براسي برعب اريد ابعد ايدي عن السچينة اميل بروحي
جسمي ينكث خوف صحت : وتتتتتتتتتتت ..

بعدني ممكملة اسمه صار صوت انفجار كلش قوي عيوني ثگلن غمضت

ثواني مرت قبل ما اسمع صوت طلق بأتجاهي
للحظات حسيت ان متت نز گلبي من سمعت صوته الي اجاني وهو يلهث ..
- اجيتچ لتخافين يمچ انه يروح وتد

لا احلل نقل القصة او اخذ احداثها ♡