Poisoned Blood

Walang ibang inasam si Georgia Valentines kundi ang magkaroon ng isang masaya at kumpletong pamilya ngunit palagi itong ipinagkakait sa kaniya ng tadhana hanggang sa dumating si Cross Hayden. Ang misteryosong lalaki na dumating para ampunin siya. Ngunit ang inaakala niya na masayang tahanan sa piling nito ay nauwi sa malamig na rehas na araw-araw niyang pinagsisihan.

Sa hindi inaasahang pangyayari ay nabunyag kay Georgia ang tungkol sa tunay na katauhan ni Cross pati na ang pinto na nagdudugtong sa mundo ng mga tao at ng Pentagon Realm. Ang mundo kung saan matatagpuan ang mga hindi pangkaraniwang nilalang. Saka lamang napagtanto ni Georgia ang rason kung bakit ganoon na lamang ang pag-aalala ni Cross sa kaniyang seguridad.

Sa ika labing-anim na kaarawan ni Georgia ay tuluyan siyang nahulog sa mga kamay ni Damian Volcann. Dinala siya nito sa Pentagon Realm upang isailalim sa masusing pag-aaral. Plano ni Damian na gawin siyang sisidlan ng sanggol na gagamiting sandata para puksain ang lahat ng lahi ng mga lobo, bampira at ng buong sangkatauhan. Kasabay nito ang pagsambulat ng buong katotohan tungkol sa kaniyang tunay na pagkatao na dumurog sa puso niya.

Paano kung ang dugo na nanalaytay sa kanilang mga ugat ang siyang lason na sisira sa relasyon nila hindi bilang isang pamilya kundi dalawang puso na wagas na nagmamahalan?

Magagawa kayang baguhin ng kanilang pagmamahal ang sumpa na nakaukit sa kanilang mga palad o hahayaan lamang ito na lamunin ang kanilang puso hanggang sa walang ibang natira kundi ang labis paghihinagpis?