عريس للإيجار

وقف أمامها مصدوم يحاول استيعاب ما طلبته منه الآن، هل تظن الأمر لعبة أما ماذا حتى تتطلبه منه بكل هذه البساطة الأمر الذي جعله يهتف بذهول :

- انتِ اكيد مجنونه صح، ما مستحيل تكوني عاقله وأنتِ مني الطلب ده

ظلت مروه ثابته على موقفها و هتفت بتاكيد لعرضها بطريقة لا يظهر فيها انها تمزح أبدا :

- لا مش بهزر، زي ما قولتلك حضرتك هتمثل قدام ابويا و امي انك جوزي لحد ما ابويا ما يسافر تاني، وقصاد الخدمه دي هديك المبلغ الي انت عايزة

لم يقدر أن يمنع نفسه من الابتسامه على ما قالته، بل إنه دخل في نوبة ضحك استغربتها مروه قليلا فعلى ما يبدو أنه الآن هو المجنون وليس هي

بعد دقيقتان توقف إيهاب عن الضحك وهتف بنبرة ساخرة :

- وياتره بقي حضرتك عايزه حاجة مع الأوردر ولا تمثيل بس

- أنا مش بهزر على فكرا

قالتها مروه بتصميم على فكرتها المجنونه فكان رده عليها بنبرة قوية :

- ولا أنا بهزر أنتِ اي فكراني عريس للبيع

وقفت مروه أمامه مباشرة وهي تقول بهدوء مخالف تمام عن حاله الارتعاب التي بداخلها من هذا الأمر :

- قولتلك مش بهزر، وانا مش بشتريك ده اتفاق، تقدر تقول عريس للإيجار