The Gangster In Me: Jovik Sebastian Calderon

Hindi biro ang maging isang sandata ng gobyerno. Kakailanganin ng matibay na puso, matalas na pag-iisip at galing sa pakikipaglaban.

Dati nang bahagi ng kanilang kautusan na isuko ang lahat ng batang ipinanganak para isali sa ensayo at pasunurin sa kung ano ang lehitimong batas.

Inukilkil sa kanilang isipan na sila ay para lamang sa gobyerno at mamamatay na magsisilbi sa bansa. Bawal ang magmahal at mas lalong bawal ang tumunganga.

Ipinangako ni Jovik sa kanyang sarili na hindi siya kailanman magpapaapekto kay Allison, isang kriminal na kailangan niyang hulihin kesehodang ubod pa ito ng ganda at kaakit-akit.

Wala siyang pakialam kahit mahalaga pa sa buhay nito ang paniniwalang ipinaglalaban nito, na may koneksiyon pala sa nakaraan niyang pagkatao.

Mga koneksiyon na posibleng ikasira ng mga plano ng kanyang pinagsisilbihan at ang pagbabago ng kanyang ipinaglalabang paniniwala.

Kakailanganin niya ang tulong ni Allison para tuklasin ang lihim sa likod ng huwad na batas na pilit niyang ipinagtatanggol. Mga lihim na gigimbal sa kanyang buong pagkatao.