ليت قلبي قد حن لك قبل م تغيب ي نظر عيني

ملاك وريوف سكتوا وهم خايفين ان الجد يسوي شي لثنيان..وغير ان ثنيان توعد في ملاك لو احد درى وخاصة الجد....
الجد بهدوء ما قبل العاصفة: اخر من توقعته يسويها
ناظر ريوف وقال: اتصلي ع اخوك ذياب يجمعهم الان ويتأكد ان ثنيان موجود
........
ميّاس:وشفيك جدي جمعتنا ذا الوقت
حمد: ايه ليه
سلطان: ي جدي موعد نومنا
ترف: هلا جدي ليه جمعتنا ذلحين
دخل ثنيان بهيبته المعتاده: السلام عليكم آمر ي جدي وش بغيت عسى م شر
: طخخ
ثنيان ولأول مره يحس بذا الشعور قهر وغضب وغبنه
أولاً لأن الكف جاه من جده الي يعزه ، وثانيا لانه تصفق ومهو داري وش السبب ، وثالثا لأن الكف جاه قدام الكل من كبيرهم لصغيرهم
الجد بغضب وبصوت عالي: الشر بوجهك سودت وجيهنا!! وش بيقولون الناس عنك ثنيان الحازمــي متزوج مسيار ومو وحده لا اكثر من وحده!!!، ثنيان انت تدري كيف عائلتنا وتدري اني اكره شي اسمه مسيار وتروح تتزوج مسيار!!!، _بصوت مكسور_اهخ ي ثنيان وقسم بالله انك اخر حفيد توقعت الحركه منه ولو انك تشوفه عادي، _بصوت عالي_ لكن الكل يدري ان عائلة طلال الحــازمي م يقبلون بمسيار!!!!!!
ثنيان وهو يناظر ملاك ثم ناظر الجد وبهدوء: ياللي تكلمت وعلّمت عساك م تذوق السعاده وقسمًا عظمًا م بتلاقي الا الأذى...............