The One Year Contract

"Pero nay, ayoko pong iwan kayo rito. Tayo na nga lang dalawa ang magkaramay sa buhay tapos iiwan pa kita." Reklamo ng dalagita sa ina.

"Anak, malaki ang utang natin sa pamilyang iyon at wala tayong pambayad. Kung kaya ko lang na ako ang manilbihan sa kanila, gagawin ko iyon. Pero matanda na ako at ikaw nalang ang tanging pag asa ko. Kaya nakikiusap ako sayo anak, kailangan natin silang mabayaran sa pamamagitan ng paninilbihan mo bilang isang katulong." Tugon naman ng ina.

"Nay naman eh, ang layo kaya ng Maynila."

"Anak, pagtiisan mo na lang. Isang taon lang naman iyon eh, pagkatapos ay pwede na ulit tayong magsama."