យុទ្ធនាការប្រហារបេះដូងអតីតភរិយាក្រៅច្បាប់

អ្វីគ្រប់យ៉ាងផ្តើមពីការធ្វេសប្រហែស ហើយការប្រហែសនេះក៏ចេះតែវិវត្តន៍រហូតក្លាយជាស្នេហា តែមិនយូរប៉ុន្មានវាក៏ត្រូវបានប្រេះឆាដោយសារតែការយល់ច្រលំគួបផ្សំនឹងការកុហកបោកប្រាស់ទើបបានធ្វើឱ្យនាយម៉ាហ្វៀលត្រូវរស់នៅដោយបៀមនូវការឈឺចាប់ជាមួយនិងកូនប្រុសតែម្នាក់អស់ជាច្រើនឆ្នាំ.
" អូនសន្យាបានទេថាទោះជាមានរឿងអ្វីក៏អូននឹងមិនចាកចេញពីបង " .
" ហេតុអ្វីសួរមកអូនបែបនេះ បងមានរឿងអីលាក់អូនមែនទេ" .
" ឆ្លើយនឹងបងសិនមក".
" ក៏បាន អូនសន្យា" .
__
.ផាច់!. "មនុស្សបោកប្រាស់! គិតថាខ្ញុំល្ងង់ណាស់មែនទេ រាល់ថ្ងៃបង្វិលក្បាលខ្ញុំសប្បាយណាស់មែនទេ..ហឹុក..ហឹុក.. ខ្ញុំស្អប់លោកមនុស្សបោកប្រាស់".
" បងសុំទោស លើកលែ..".
" ឈប់ទៅ! ខ្ញុំឆ្អែតហើយប៉ុនហ្នឹងគ្រប់គ្រាន់ហើយ".
__
ក្រាក!. " ប៉ា!! ហឹុកៗ...ប៉ាដឹងខ្លួនឡើង ដឹងខ្លួនឡើងប៉ាកុំទៅចោលកូន..ហឹុក..ហឹុក.. ។ ជុងហ្គុក!! ជុងហ្គុកសម្លាប់ប៉ា!