මට පෙර සිටි ඇය ( අතුරැ කතාව )

ඔබ ආත්මීය සහකරැ හෝ සහකාරිය ගැන විශ්වාස කරනවා ද ? Soul mate ලෙස අපි හදුන්වන්නේ..කුඩා කාලයේ අම්මාට තුරැල් වෙලා සින්ඩරෙල්ලා කතාව අහගෙන හිටපු මම , පාසැලේ ඉංග්‍රීසි සාහිත්‍යයට කියවු වදරින් හයිට්ස් හි හීත්ක්ලිෆ්ට පෙම් බැන්ද මම , කදුළු සලමින් නැරඹු ටයිටැනික් චිත්‍රපටය අවසානයේ මම කේට් නම් ජැක් එක්කම මමත් අවසන් ගමන යන බව විශ්වාස කල මම කවදාවත් හිතුවේ නැහැ මගේ ජීවිතේටත් නවකතාවල චිත්‍රපටවල අන්තර්ගත ආදරයක් විදින්න හැකි වෙයි කියලා. නමුත් එය එසේම සිදු වුණි. එකසැරේම ඔහු මා ඉදිරියට පැමිණයේය. මගේ ආත්මීය සහකරැ. මා වදනින් නොපවසන දේ හෝ තේරැම් ගන්න , මගේ හදවත ආදරයෙන් අතුරැ සිදුරැ නැතිව පුරවාලන , මේ ලෝකේ සැබෑ ආදරය ඇති බව මට ආයේ ආයේ ඔප්පු කරන ඔහු මගේ ජීවිතේට සම්ප්‍රප්ත විය. මා නොදන්නා හේතුවකට ඒ මොහොතේ පටන් මගේ හදවත මටත් හොරෙන් අමුතු තාලයකට ස්පන්දනය වෙන්නට ආරම්භ කලේය.