Gahom

Hangin, Apoy, Tubig, at Lupa.

Naisip mo na ba kung anong hiwaga ang bumabalot sa mga elementong ito? Paano kung sabihin ko sa'yo na may isang daigdig na hindi naaabot ng mata ng karaniwang nilalang-isang mundong hindi ginagalaw ng oras, hindi naaabot ng teknolohiya, at pinamumunuan ng sinaunang kapangyarihan?

Isang mundo na tinatawag na Gahom.

Isang gabing bugso ang ulan at kulog sa langit, isinilang ng Reyna ng Gahom ang kambal na prinsesa. Magaganda at malulusog silang isinilang-mga nilalang na tila hango sa matandang hula.

Pinangalanan silang Altheira at Nyxaria-mga pangalang matagal nang binigkas ng mga bituin bago pa man sila dumating sa mundo.

Lumipas ang mga taon, at unti-unting lumitaw ang kanilang kani-kaniyang kakayahan.

Si Altheira, ang panganay, ay nagtataglay ng kapangyarihan ng Liwanag. Lahat ng bagay na nababalutan ng liwanag ay kaya niyang galawin. Ang kanyang puso'y busilak-mapagkalinga, marangal, at wagas, gaya ng pagsikat ng araw.

Ngunit si Nyxaria, ang bunsong kambal, ay lubos na naiiba. Siya'y isinilang na may kapangyarihan ng Kadiliman. Sa bawat galaw niya, ang liwanag ay nauupos, at ang katahimikan ay nilalamon ng anino. Sa kanyang paglaki, lumalim din ang lamig sa kanyang puso-tinangay ng inggit at pagkamuhi.

Ano kaya ang kahihinatnan ng dalawang prinsesa?

Sino ang mananatiling kakampi, at sino ang magiging kalaban?

Malalaman mo... sa tamang panahon.