Banyuhay

Hindi nagkamaling lumingon si Miguel at patuloy lang ang mabilis na pag takbo palayo sa padyak at sa babae. Tila isang kayamanan ang hawak niya, sapo sapo malapit sa kanyang dibdib na binalot ng madungis niyang damit upang hindi madampian ng tilamsik ng ulan. Ito na ang sagot! Hawak ko na sa wakas ang sagot! Makapagtapos narin ako sa wakas! Makakapasok ng trabaho para sayo inay, sa mga kapatid ko! Ito na ang sagot sa lahat lahat nating paghihirap! Sa bawat yabag ng takbo ni Miguel ay unti unti niyang nadama ang nalalapit na pagbabago. Isang malaking pagbabagong-anyo sa kanyang buhay.