Echoes Of The Dead (Ongoing)

Isang taon na ang nakalipas mula nang makaligtas si Jaizy Cruz sa isang trahedyang aksidente na kumitil sa buhay ng kanyang matalik na kaibigan. Dapat ay naka-move on na siya.

Ngunit matapos ang aksidenteng iyon, may isang bagay na nagbago. Simula noon, nakakakita na si Jaizy ng mga bagay na hindi nakikita ng iba... at nananaginip ng mga pangyayaring hindi pa nagaganap sa totoong buhay.

At ang mas nakakatakot? Ang mga imaheng nakikita niya... gising man o tulog ay unti-unting nagiging realidad.

Sinubukan niyang balaan ang mga taong malapit sa kanya. Ngunit sa halip na paniwalaan, itinuring siyang may sumpa. Isa-isang lumayo ang mga tao sa kanya dahil nangyayari ang eksaktong mga bagay na kanyang nakikita at sinasabi. Dahil doon, si Jaizy na mismo ang umiwas sa mga taong mahalaga sa kanya.

Sa paniniwalang ang sinumang lalapit sa kanya... ay mapapahamak.

Ngunit nagbago ang lahat nang magtagpo ang landas nila ni Matthew Isaiah, isang Crime Scene Investigator na hindi basta binabalewala ang kanyang mga pangitain. Sa gitna ng sunod-sunod na misteryosong pagkamatay sa lungsod, unti-unti nilang natuklasan ang isang nakakakilabot na katotohanan.

Hindi nagkataon ang mga biktima.
Hindi rin basta nananakot ang mga patay na nagpapakita kay Jaizy.
At higit sa lahat... May isang taong gumagamit ng buhay ng iba para sa sarili nitong laro.

Sa tulong ng kakaibang kakayahan ni Jaizy, makukuha kaya nila ang hustisya at matutuklasan ang katotohanan sa likod ng mga misteryosong pagkamatay?

O isa lamang ba talagang sumpa ang kanyang kakayahan, at wala siyang ibang magagawa kundi tanggapin ang kanyang kapalaran? Dahil habang papalapit sila sa katotohanan, isang tanong ang patuloy na bumabalot sa kanyang isipan...

Ang mga pangitain ba ni Jaizy ay nakatakdang magligtas ng mga buhay... o inilalapit lamang siya ng mga ito sa susunod na biktima?

Matutuklasan kaya niya kung sino ang mamamatay-tao, o maaabot muna siya ng kamatayan bago pa niya malaman ang katotohanan?