A Silent Love

"Anong nangyari bakit ka umiiyak?" tanong ko ng makalapit ako kay Emilie.

Umiling ito pero hindi nakaligtas sa mga mata ko ang bubble gum na nasa dulo ng buhok niya. "Sinong loko ang gumawa sayo nito?"

Alam ni Emilie na nagpipigil lamang ako ng galit ko. Muli na naman siyang umiling.

"Pipi ka lang pero tao ka pa din kaya dapat trinatrato ka nila ng tama! Halika ituro mo sa akin kung sino ang naglagay ng bubble gum na yan sa buhok mo at sinisigurado kong bukas hindi na siya makakapasok dahil paglalamayan na siya mamaya!"

"Faaang." iling nito habang pinipigilan akong pumasok sa loob ng Campus nila. "Faaang---."

Mukhang natunaw ng mga luha ni Emilie ang galit ko. Huminga ako ng malalim. "Okay. Anong gagawin natin diyan tiyak na magagalit ang Papa mo at masasabon ako ang masama pa niyan eh baka hindi pa ako banlawan ni Boss."

Nagpunas siya ng mga luha saka may kinuha mula sa loob ng bag, ngumiti pa si Emilie ng ipakita kung ano ang kinuha niya.

"Gunting?! Naku, Prinsesa ko umuwi na tayo di bale ng masabon ako ni Boss kesa naman Mama mo ang magalit sa akin kapag ginupit ko yang buhok mo tiyak wala akong masarap na Meryenda niyan pagnagkataon." humakbang ako palapit ng Kotse saka binuksan ang pinto ng Backseat. "Pasok na po at uuwe na tayo."

Sumunod naman sa akin si Emilie. Nagulat ako ng bigla ako nitong yakapin bago sumakay sa loob ng Kotse. Talagang tumalon ang puso ko palabas ng ribcage ko! Sarap sa pakiramdam yakap lang solve na ang Lolo mo!