Accidentally Fall in Love

Hindi inaakala ni Janna na ang kanyang dating crush na si Mr. Hunk/ Gentleman/Handsome man, ay ang may-ari ng isang sikat at malaking companya na kanyang pinag-aapplyan ngayon. Ang totoo n'yan ay lingid sa kanyang kaalamanan ay mayroon s'yang backer at yun ay ang nag-iisa n'yang best friend na si Rochel na isa palang mayaman! As in super yaman!

Makalipas ang isang taon ay muling nagtagpo ang kanilang landas ni Kenneth. Napangiti ng malawak si Kenneth ng makita nito ang isang maliit na larawan sa hawak hawak n'yang resume ngayon ng dalagang matagal na n'yang hinahanap. Mas lalo s'yang nasabik na makita ang dalaga na halos araw araw ay hindi nawala sa kanyang isipan lumipas man ang taon.

Halos hindi naman mapakali si Janna ng makita nito ang matiim na titig sa kanya ni Kenneth ngayon nasa harapan na s'ya nito. hindi n'ya tuloy mawari kung dahil ba sa interview o dahil sa pagkikita nilang muli kung kaya't tila labis labis ang bilis ng kabog ng kanyang puso.

Ang huling naalala ni Janna ay ang araw na tumawag ito sa kanya at nag-aaya ng dinner nila, ngunit lumipas ang oras at natapos ang araw na hindi na n'ya ito nakita pa at alam n'ya sa sarili n'ya na hinintay n'ya ito hanggang sa panghihinayang na lamang ang naramdaman n'ya. Hanggang sa araw ng kanyang pag-alis sa kanyang part time job ay wala ng Kenneth ang muli n'yang nakita. Naisip n'yang mas mabuti na rin yun, dahil magkaiba sila ng estado ng pamumuhay. Ngunit ngayon na mag kakaroon na s'ya ng pagkakataon na makita itong muli sa araw araw, papaano na n'ya ito maiiwasan kung ito pa ang kanyang magiging boss kung saka-sakaling matangap s'ya dito?

Pipigilan ba n'yang mag mahal muli sa isang mayaman na tulad ni Matt Kenneth Guererro?