الحب المتاخر

القصه تتكلم عن زواج بدون حب
اني بنيه اسمي ميار عمري 20 سنه طولي163 حنطاويه عيوني كبار نكدر نكول شكلي حلو تاركه الدراسه فاتحه مشروع كيك وحلويات بالبيت
ما حبيت ابقئ بدون هدف المهم اقترحت هلفكره علئ اهلي والحمدلله دعموني وصارت تجيني طلبات وربي رزقني من فضله

بيوم من الايام اجاني طلبيه كيك عيد ميلاد ولد وطلبو مني اخلي صورته المهم اجت المره اخذت الكيكه وشافتني وره ايام اني كاعده وي اهلي وخواني
عندي 3 اخوان علي وحسن ومصطفئ وثنين بنات اني واختي شمس كان اقرب اشخاص الي هوه مصطفئ وشمس اما اخواني الكبار مو هلكد علاقتي بيهم

كاعدين وجنه نسولف ونضحك ندك الباب واذا نفس المره الي طلبت الكيك اجت كل ضني كان تريد كيك المهم كالت اريد الوالده صحت امي وسولفت وي امي وقدمتلها الجاي والماي

واشرتلي امي يعني طلعي المهم طلعت وره شوي راحت المره وامي اجت كالت هاي المره تريد تخطبج لابنها
انه كتلها يوم ما اريد ازوج كالت انه مالي دخل يجي ابوج واكله وحاجحي وماكو زواج بالغصب الراي رايج باوعت لخواني مصطفئ كال اي راح نخلص منها خليت ورحت غسلت المواعين اجه ابوي

يتبع