Mëngjesi i sotëm për ne të gjithë zbardhi ndryshe të dashur vëllezër dhe motra! Mbrëmjen e djeshme kam mbetur i tronditur pas telefonatës me Markon, ku më vuri në dijeni për situatën e ndodhur. Loris Merkaj, sëbashku me Fabio Zanella kanë qenë deri dje frekuentuesit më të rregullt të kishës sonë. Deri dje ata ishin një me ne. Të dy të pagëzuar dhe lëvdonin emrin e Zotit. Të sjellshëm dhe të gatshëm për të ndihmuar çdonjërin prej nesh. Ata ishin shembullor, puntor dhe modest. Këtë opinion nuk e kam pasur vetëm unë, por të gjithë ne. Këta ishin për ne Loris dhe Fabio, jo ata të edicionit të lajmeve. Sipas disa të dhënave që mora nga njerëz të besuar më komunikuan se nuk bëhej fjalë për një keqkuptim. Dje zbuluam gjithë të vërtetën, arsyen e prezencës së tyre këtu mes nesh. Më vjen shumë keq tju them të dashur vëllezër dhe motra, por midis nesh ka njerëz si Juda. Vetëm për të mbuluar gjurmët e rrugës së keqe së cilës i janë futur, janë të aftë të përdorin edhe Zotin.
6 parts