Magkausap pa noong gabi sina Rafa at Jessa. Naglabas ng hinanakit si Jessa at sinabing ayaw na nitong mabuhay. Pinayuhan pa ni Rafa si Jessa at sinabing mahirap ang buhay, pero maganda. Matapos ang pag-uusap nila, hindi na muling nagparamdam si Jessa at nalaman ni Rafa na isang linggo na itong nawawala. Nang mag-usisa, doon nalaman ni Rafa na nagpunta si Jessa sa "The Dwelling," isang pasilidad para sa mga taong nagtatangkang wakasan ang buhay nila. Sa pagpunta ni Rafa sa pasilidad, mas malalim pa ang lihim na kanyang mahuhukay. Malaman kaya niya ang nangyari kay Jessa, o kabilang din siya sa mga "lihim" na malilibing?