Messed Up With The Wrong Person

Ang mga mukha'y iisa lamang. Ang hugis ng mga mata'y parehong-pareho. Ang hugis ng mga labi ay magkatulad, gano'n din ang kulay ng kanilang mga balat. Ngunit kung ang ugali at pananalita ang pag-uusapan, ay napakalaki ng kaibahan. Ultimong ang pisikal na lakas ay ibang-iba.

Si Vanerry ay isang mahinhin at ang kaniyang kilos ay malambot na tila ba kapag siya'y iyong tinulak ay agad siyang tutumba. Wala siyang kapansanan ngunit natural sakaniya ang pagiging mahina na siyang kabaligtaran naman ng kaniyang kakambal.. si Vanessa.

Si Vanessa ay may hindi kapani-paniwalang lakas na siyang maari pa niyang madaig ang mga lalaking lumalaban sa mga wrestling sa isang iglap lamang. Madalas siyang tawaging may kapansanan sa isipan dahil sa kaniyang kakaibang awra na ibinibigay sa iba dahil ang sabi ng iba ay siya'y kakila-kilabot lalo na ang mga kayumanggi niyang mga mata.

Sa kabila ng napakarami nilang kaibahan sa isa't isa, ang kanilang mga pag-ibig para sa bawat isa ay parehong-pareho lamang. At dahil din sa pagmamahal ay makakagawa ng hindi kaaya-aya si Vanessa na siyang ikinatatakot naman ng kanilang ina. Dahil alam na alam nito kung paano kumilos ang isa sa mga kambal kung sakali mang mangyari sa isa pa.

Magagawan kaya nila ng paraan para itigil ang mga binabalak ni Vanessa sa mga taong nanakit sakaniyang kambal? Hahamunin pa ba ng mga nanakit kay Vanerry ang kambal niya? Kaya pa nga ba nilang labanan ang isang babaeng may kakaibang kakayahan sa mga bagay na pwedeng ikapahamak nila? Mapapagtanto kaya nila na sila'y bumangga sa maling tao?