🍁الحرة 🍁(مكتملة)

🍁 تــــقديـــــم

كان يا مكان في سالف العصر والأوان كان الخير مالي المكان والريشة تغلب الميزان كان فزمان النية فزمان القول والفعل فزمان كان من عرصة يأكل مول الدار والجيران ومايبقي حتي واحد جيعان فزمان العمى يتخطي الحيطان و من عوينة تشرب القبيلة والدوار وما يبقي حتي واحد عطشان فزمان كان الجار هو مول الدار فزمان كانت المحبة والخاوة و كان عار الجار علي جارو وفزمان كان البال هاني والقلب صافي زمان العبد والسلطان و القاضي والقايد فزمان الحشمة فزمان النسا ماتبين من شعرها خصلة

وكان حتي كان كان الحبق والسوسان
وكان الملك فيد الله العزيز الرحمان
وكان حتي كان كانت حكاية الحرة والسلطان
كانت الحرة زينت البنات من الكمرة زينها خدات لعيون فيها ولهانة زينت الوقفة والقامة ومشيت الحمامة وفلخد شامة
الحرة لي لبسات توب من الحرير الزين
وفرجلها لبسات شربيل و حطات الكحل فالعين وزمانها حالفة تجيب تقلب عليه بالفتيلة القنديل
💫💫💫💫💫💫💫💫💫💫💫💫
قالو ناس زمان زين النسا فالسترة ولي تربات علي القنع عمرو يغرها الطمع
ولي كبرات فالخير تشم يديها تشبع
ولي كبرات فالجوع بمال الدنيا ما تقنع
أجيو تشوفو وتسمعو وفحجايت الحرة تمعنو
ومن عبرها ستافدو

🍁الــــــــــ