تحت مسمى الحب

_ سيدي اني مالي دخل و علاقة بالجريمة الي صارت ممكن اعرف سبب مجيئي لهيج مكان؟
حجيت كلماتي واني ابين ثقة النفس العندي ومايدري اني بداخلي خوف ورعب مو طبيعي!!
ضل يباوع علية ويركز بعيوني صفن شوية بوجهي ورفع حاجبة وبتسم ابتسامة جانبية وجهه صار مستفز كلش كام من مكانه وهوه يتقدم الي وكال:
_عفواً منج ست لازم اخرت عليج شغل الشركات الي عندج!؟
هوه انتِ كلچ خلگ وحده...

اجه يكمل كلامه ونركع الباب بشكل جنوني حولنا نظرنا على الي ديضرب بالباب اتوقف لحضه وغير اتجاهه للباب لزم المقبض مال الباب قبل لايفتح الباب سمعنه صريخ احد الرجال المتواجدين:
_سيدي سيدييي تسمعني ركز وياااي داهموناااااااا العصابة داهمتناا جاي يبحثون على....
ثواني وانقطع صوت الولد الي كان يحجي
سمعت صوت اطلاق ناار!!
قتلة! منو الي قتلة منو الي داهمهم؟؟! عصابة منو؟؟؟؟ شجاي يصير شجابني هنااا!!!!!

بس انقطع صوت الولد التفت بكامل جسمه وعيونه يطاير منها الشرار تقدم الي بسرعه خيالية حجى بصوت حاد وهوه يرص على أسنانة!
_فضيني عاااااد وكولي شنو علاقتج بي!؟؟

بقلم الكاتِبة: زهراء علي