13 bahagian Sedang Ditulis MatangSa mata ng publiko, perpekto ang buhay ni Katarina "Kat" Santiago-isang hinahangaang babae, asawa ng makapangyarihang politiko na si Benedict Sixto Delos Reyes, at ina ng tatlong anak. Ngunit sa likod ng marangyang buhay, may mga lihim siyang nadiskubre-mga katiwalian, lihim na relasyon, at mga taong handang gawin ang lahat para patahimikin siya. Isang araw, bigla na lang siyang naglaho nang walang bakas. Wala ni isang nakakaalam kung ano ang tunay na nangyari sa kanya.
Sa loob ng maraming taon, walang kasagutan ang pagkawala ni Kat. Hanggang sa isang araw, ang kanyang kakambal na si Bianca "Bia" Santiago, na matagal nang nahiwalay sa kanya, ay natuklasan ang misteryo ng pagkawala ng kanyang kapatid. Determinado siyang malaman ang katotohanan at maghiganti sa mga taong responsable. Upang maisakatuparan ito, nagpanggap siyang si Kat-isang babaeng bumalik matapos ang matagal na pagkawala, may dalang kwento ng pagkawala ng alaala.
Sa kanyang pagpapanggap, unti-unting natuklasan ni Bia ang mga madilim na lihim ng asawang politiko-hindi lang pala ito may relasyon sa kanyang secretary na si Lara Cortez, kundi sangkot din sa mga ilegal na gawain, katiwalian, at marahil, pati sa pagkawala ni Kat. Ngunit habang lumalalim ang kanyang imbestigasyon, hindi niya napigilan ang sariling mahulog sa tatlong musmos na anak ng kanyang kakambal... at sa mismong asawang si Benedict.
Sa pagitan ng paghahanap ng hustisya at mga nararamdamang emosyon, kakayanin ba ni Bia na manatili sa kanyang misyon? O tuluyan siyang mahuhulog sa pag-ibig sa lalaking maaaring may kinalaman sa pagkawala ng kanyang kapatid?
