كوكب الكوميديا 🤪🤪💃

[ في الاعراس اليبية ]...،
لما تطلع وحده ترقص ايتم الشهدرة بي تاريخها العريق كله يعني مثلا وحده طالعه ترقص فرحانه تلقه شتاوة جايتها من حيث لا تحتسب [زولك مش زول الهجالة غير اخسارة في الرجالة]😂💃💃💃.... وهنا يتضح للجميع انها مطلقة .،والاخرة اتخش ايقولولها [حبس الغالي غير ظليمة لازور لادار جريمه] وهنا يتضح ان زوجها مسجون وكلهم يقعدو يشوفوا فيها🙂💃والاخرة [عزيز مايخدم غير عليك ايوتي في روحه ويجيك] وهي هلها مش عالمين ان عندها نقال اساساً وبتروح بتحصل مردغه ترقص وهي خايفه😂😂💔 وفي الوقت هدا اتخش عزوز واكله الجووو ومحنيه من كل مكان
ومش معقبة مادايرة والنوعية هذي اتشهدر بي روحها ماترجاش من ايشهدر بيها وتقول [حتى كان الشيب كلانا ... مازلنا في صوب نيانا] الله عليك ياجدتي🙂😂😂😂
وتجي المخطوبة اجديد اتخش امطبسة راسها زعميتها متحشمه ويغنولها [عل قيس النيه ياعين اغوينا في ناس حنونين]وهي كذابة نيتها سودة هيا وياه ومطلع عينها وبعدها اخر العنقود لصغيره ام شورب تلقاها السانها اطول من السحلية وديما رافعه حاجب وعل اساس ماتعرف شي 😂😂💔 وهنا اتنط بنت خالتها اتشهدر بيها اتغنيلها [يامولاي جيبهم الي عل بال سريبهم] 😂💃 وامها في هذي الاثناء اتخش بين الصبايا تستوعب في الصدمه 🙂💔....، ونختتم هذهي المجزرة الاخلاقي