مواعظ جدو

"تعرييف"

_جدو.
فتح أيده علشان يحضني وقال = لوكا، كنا لسه بنجيب في سيرتك أنا وزياد.
بصيت ورايا، لقيته قاعد على الةرض ومربع رجله وباصص على التلفزيون.

⤵️.
زياد، أبن عمتي، وأنا لا بطيقه، ولا هو بيطقني، في سن بعض تقريبًا، بس هو في شهر 3 وأنا ف شهر 7، يعني هو أكبر مني ب 4 شهور، للأسف، أما بقى جدو حسين، ده قلبي قلبي، بيته فوق بيتي على طول، وبرضوا تحت بيت زياد على طول، ماما دايمًا بتقول أننا عايشين في بيت عيلة، علشان العمارة كلها قرايبنا وكده، جدو بقي أنا تقريبًا طول اليوم عنده، أصل كل ما يجي في بالي سؤال أطلع له، وأنا ياسبحان الله، كل 5 دقايق يجي ف بالي سؤال، علشان كده ببقى عنده على طول، بسأله كتير لدرجة أنه سماني صندوق أسئلة، بعيدًا عن ده، بس أنا بحبه أوي، ستو ماتت من 5 سنين، كان عندي 5 سنين ساعتها، ماما قالت لي أننا جينا عشنا مع جدو علشان ميبقاش قاعد لوحده، وكده يعني.
أنا بقي، أسمي ملك، عندي 10 سنين، بحب جدو طبعًا، وماما دايمًا بتقول عليا أني شقية، وكمان بحب أكتشف حاجات كتشير عن الحياة، وعن الدين كمان، وأغلب ةسئلتي لجدو بتبقى في الدين، أصل أنا بحب أعرف حاجات جديدة وأطبق عليها، وبحب أشوف النتيجة بتاعتها.

#مواعظ_جدو
#ملك_محمود