الرجولة

فد يوم من الأيام اطلب واحد فلوس
وشلع گلبي كلش ..
اتصل عليه مايفتح خط مرات يخلي رقمي بالحظر
مرات تطلعلي زوجته مرات ابنه
إتصلت عليه من رقم ثاني فتح خط وبديت اقسمله اخير شيء كال اني مااكدر اجي للمكتب خلي نلتقي ونتفاهم
المهم اتفقنا ع مكان

وصلت للمكان المتفق عليه
واذا بي افاجأ
ان هذا الشخص الي اطلبه جايب وياه واحد
دخيلك ربي
عملاق " هرقل " شخصياً
نفخة منه
عدل وگبل لمستشفى الجملة العصبية !!

جنت اسولف وية الشخص المعني
واباوع بطرف عيني عله هرقل
وكلش قلقان منه
وهو يخوزر بي بطريقة
توحي بالتحدي واضمار الشر !!

بعد ان وصلت لطريق مسدود وية الشخص المعني
التفتت الى هرقل عظيم الروم
وسألته :
خالي بعد خالك ليش ما تتدخل انته ؟
انت مبين خوش ولد
بس گلي ابو منو انته ؟

وهنا المفاجأة العظيمة

اجاب بصوت انثوي ناعم جداً :

اني موشرق " مشرق " وجيت وياه دا نطلب منك مهلة !

احترگوا اهلك واني قلقان منك وحاط ايدي عله مسدسي متوقع البوكسي منك بأي لحظة .
#شبابيش_