الروشة السابعة

= الحق يا إبراهيم بقينا ترند
- يعني إيه
= بقينا اتنين مليون متابع
- .....
= بقولك بقينا اتنين مليون امبارح واحنا بنتخانق التلفون كان لايف وأنت بتصالحني الناس كانوا فاكرينا بنمثل ميعرفوش أننا كنا بنخانق بجد

_________
= زينب أنا عايز اعمل ترند كده بس لازم اخد رايك الاول علشان احنا شركاء في الأول وأنا راجل ديموقراطي
-.....
= أنا بقول نعمل ترند الطلاق ونعلي الرئاسة وبعدين ارجعك
- يلهوي أنت بترسم علي طلاق يا ابراهيم علشان تكوش علي الصفحة لوحدك
= هو ده ال همك الله يخربيت النت ال لحسك
___________

= آه ياني يا دراعي جسمي مكسر كله يا إبراهيم
- معلش يا حبيبتي ما أنت ال اصريتي تعملي تريند كيكي دو يو لاف مي مع أني قولتلك أنه قديم بس يلا قدر الله ماشاء فعل
= ابراهيم أنا شامه ريحه شماته
- طب يا روحي هروح استحم أنا
________________

-ابراهيم
=امم
- في مأذون ترند كده اسمه أحمد إبراهيم كنت عايزة يعني نعمل ترند الطلاق ده ونجيبه يكتب علينا تاني بس انا خايفه
= من إيه يا روحي
- منك يا إبراهيم ما تصدق تطلقني والبس أنا الترند لوحدي
_____________

= زينب بقولك ايه رأيك نغير محتوي القناة
- هتعمل ايه
= فقرة طبخ الناس تتعلم وأنا أكل
___________

= دي مابقتش عيشه
- فعلا ما بقتش عيش انت بقيت لا تطلق بجد
= أنا يا هانم
- ابراهيم بليز متبدأش أنا عامله ميكاب وهنكون لايف كمان همس دقايق مش هنفضح نفسنا قدام الناس
__________

= أنا عايزة أطلق
- هيكون افضل انا تعبت من كتر التمثيل علشان الناس والفانز والاعلانات اتخنقت من كتر الكبت كل يوم نفس الضحكة المزيفة والسعادة الكدابه علشان نرضي شويه متابعين ساعة يشتمونا وساعة يحبوا فينا
= أنا آسفه
- أنا ال اسفلك
__________