For Rent

*hiyawan* "Wooooo! Ang galing mo Angel! Hulog ka talaga ng langit sa galing mong sumayaw. Balang araw, magiging sikat kang dancer dito sa Gapo! Wooooo!"

Sa pagtitimpi, si Angel ay biglaang napatigil sa kanyang pagsasayaw kasabay rin ng pagpatak ng kanyang luhang punong-puno ng pait at sinabing .. "Dancer? .. Pero gusto ko pang maging abogado balang araw.."

------------------------------------------------------------------------------

Ano kayang ibibili ko sa birthday ni Inay? Yun na lang kayang paborito niyang damit na matagal na niyang pinapangarap? O pwede rin tubusin ko na yung singsing nila ni Itay na isinanla niya noong dalawang taong nakakaraan?

Marami akong gustong ibigay kay Inay. Cake na lang kaya? Hay. Kahit ano ibibigay ko sa kanya ...

Nawala ang kalahati ng buhay namin ng biglaang mabulag si Inay, sobrang mahal na mahal ko silang dalawa ni Itay. At dahil dun nagpursigi pa kaming mag-aral ng mabuti ng mga kapatid ko.

Para akong pilay na sinusubukang lumakad ng mga panahong 'yon. Ngunit, lalo kong naramdamang tuluyan ng naputol yung dalawa kong paa at ipinagkait na sa akin ng mundo ang buong buhay ko nang mawala si Itay dahil sa kanyang sakit na matagal ng itinatago.

Gumuho sa paanan ko ang lahat lahat. Para akong binagsakan ng malaking bato sa likod na hindi ko maintindihan.

At dahil dun, hindi na kami nakakapag-aral pwera sa isa kong kapatid na malapit na magtapos ng college.

Sa kanya ko itinuon lahat. Nagtrabaho ako. Nang sa ganon, siya naman ang mag-paaral sa mga kapatid namin pag dating ng araw.

Kumakayod kalabaw ako ngayon upang mapagtapos ko siya.

"Biruin mo 'yon, Dennis? Mauunahan mo pa ko makatungtong sa stage e.", "Ate naman. Kapag nagkatrabaho na ko, ikaw naman ang magpatuloy ng pag-aaral mo, ha?",

"Ano ka ba. Para na rin akong nakatungtong sa stage sa araw na makita na kitang naka-toga't diploma, at ngumingiti sa camera." ...