Kishi-dan Academy: Home Of The Magic Knights

Akala ng mag kapatid na Euri at Kira sa panaginip lang nila nakikita ang mga mahika at kapangyarihan, ang hindi nila alam matagal nang panahon umiral ang mga mahika.

Nagsimula ang lahat matagal ng panahon sa isang batang ipinanganak na may natatanging abilidad. Ang kakaibang abilidad na iyon ay lumaganap sa buong mundo. Walang nakakaalam kung paano ito nangyari at bakit, dahil doon ang mga kakaibang pangyayari ay naging natural nalang sa mundo at kinasanayan nalang ng mga tao.

Sa kabila ng kagandahang dulot ng mga Smyrna o mga mahika ay nagsasanhi rin ito ng pagtaas ng mga krimen at kaguluhan bunga ng mga kagagawan ng mga 'Black Kishi', mga taong may tinataglay na Smyrna ngunit ginagamit sa masama ang kanilang natatanging abilidad. Makikita ito sa kahit saang lugar, mapalabas man o loob ito ng Langeres kingdom.

Hindi na marahil mawawala sa mga taong may taglay na kapangyarihan ang maging sakim at gahaman. Iyon ang paniniwala ni Euri, ang nakakatandang kapatid ni Kira. Marami kasi sa halos 80% na may taglay na abilidad sa Langeres Kingdom ay ginagamit sa maling paraan at paggawa ng mga illegal na gawain ang kanilang mga kapangyarihan. Sa mga krimen at sa pansarili nilang kagustuhan.

Kung kaya naman dahil doon marami sa mga taong may katangiang taglay ay nagkaroon ng lugar sa mundong magulo. "Kishi" kung ituring nila ang kanilang sarili.

Pro-Kishi. Pangarap ni Kira ang mapabilang dito ngunit sa hindi niya maintindihang dahilan ni Euri, nakakatanda niyang kapatid, tila hirap na hirap siyang makamit ito. Maabot kaya ni Kira ang pangarap niya, o patuloy siyang nananatili sa kapit ng pinakamamahal na kapatid?

Lahat ay gagawin ni Euri para sa kapatid kahit kapalit pa niyon ang buhay niya. Manatili lang itong ligtas at malayo sa mga Kishi. Ngunit hanggang kailan niya iiwas sa kapatid ang pilit nitong inaabot? Hanggang kailan siya iiwas sa gulo kung siya mismo ang hinahanap nito?

@theyssah.2024